Saioan Igor Agirre alkateak, Alberto Arrate abokatuak eta Granadako Medikuntza Fakultateko Fisiologia katedradunak, Darío Acuña, parte hartuko dute. Topaketan zehar, Udalak eskatutako neurriak azalduko dituzte eta bertaratutakoen galdera eta ekarpenak erantzungo dituzte.
Mallabitarrei argi informazioa eskaini nahi diegu aurkeztutako alegazioei buruz eta Mallabiko pertsonen osasuna eta ingurune naturala babesteko eskatu ditugun neurriei buruz. Garapen energetiko arduratsuan sinesten dugu, baina baita planifikazio garden, hurbil eta udalerrian bizi direnekin errespetuzkoan ere», adierazi du Igor Agirre alkateak.
Alkateak auzotarrak animatu ditu parte hartzera eta beren kezkak partekatzera, azpimarratuz pertsonen osasuna eta ingurunearen kontserbazioa Udalaren lehentasun nagusiak izaten jarraituko dutela.
