Berriz ko Jasokundeko Andra Mari ren eguna ospatzeko, ohiko dantza ekitaldia egin dute Irrintzi dantzariek eta Antxinako Ama txistulariek. Ekitaldiak herriko zaindariaren omenezko meza nagusiaren aurretik hasi eta plazan amaitu dira.
Udaletxe azpitik abiatu da prozesioa, bertan elkartu baitira dantzariek, txistulariek eta udal agintariek. Parrokiaraino joan dira, eta bertan, 11:00 etako kanpai hotsekin batera, meza nagusiaren aurretik dantzatu dute ezpata-dantza, txistularien laguntzarekin.
Meza ondoren, alderantzizko bidea egin dute Euskadi plazaraino, bertan beste dantza saio bat eskaintzeko. Aurten, euri zaparrada batek harrapatu ditu bidean, baina dantzan hasteko unean atertu egin du, eta hala jarraitu du ekitaldiaren amaierara arte.
Plazan, lehenik ezpata-dantza, gero aurreskua, eta amaieran, fandangoa eta arin-arina dantza zituzten ikusgai. Jende ugari bildu da plazara dantza emanaldia ikusteko.
Aurten ere, Adur Garmendia, Nahia Tubia, Nahia Alustiza eta Malen Larrañaga izan dira ezpata-dantzaren kapitainak. Sokako dantzariei dagokienez, Elena Urteaga, Miren Hernandez, Eneritz Mendia, Jon Calzada, Sara Aztiria, Izaro Baztarrika, Intza Larrañaga, Itxaso Zurutuza, Saioa Telleria eta Irati Marin aritu dira. Aurreskuan, Adur Garmendiak bere anaia Aratz i dantzatu dio, eta Naia Tubiak bere amonaren lagun bati.
Dantza ekitaldiaren ostean, ospakizun eguna dute bai dantzariek zein txistulariek.
