Udalerrian aparkaleku ordainpekoa bost eremutan banatuko da, bakoitza bere kolorearekin identifikatuta. Eremu gorria ordainpekoa izango da erabiltzaile guztientzat. Berdeak eta urdiñak, aldiz, doakoak izango dira salbuetsitako pertsonentzat eta TAO bonua dutenentzat. Merkataritza-guneen inguruan txandakatzea errazteko, eremu laranjak doako aparkalekua eskainiko du, baina ticket-a hartu beharko da eta gehienez 90 minutuz erabili ahal izango da.
Aparkatzeko ticketak eskuratzeko hainbat aukera egongo dira: herrian zehar dauden parkimetroetan, Mowiz aplikazioaren bidez, edo makina bakoitzean dagoen QR kodea eskaneatuta. Azken aukera honek aplikaziorik deskargatu eta datu pertsonalik eman gabe aparkalekua kudeatzeko aukera ematen du.
TAOren arreta-bulegoa Itsasbide kaleko 17. zenbakian egongo da zabalik. Ordutegia honakoa izango da: astelehenetik ostiralera, 10:00etatik 14:00etara, eta astearteetan, gainera, 16:00etatik 18:00etara ere bai. Bertan, bonuak tramitatu, zalantzak argitu eta zerbitzuaren funtzionamenduari buruzko informazio zehatza jaso ahal izango dute herritarrek.
