Eustaten arabera, Euskal Autonomia Erkidegoan bizi diren 18 urte edo gehiagoko biztanleek 28.170 euroko batez besteko errenta pertsonala lortu dute 2024an, aurreko urtekoa baino %7,2 gehiago. Lurraldeka, Gipuzkoak du errenta handiena (29.559 euro), ondoren Bizkaia (27.733 euro) eta Araba (26.698 euro).
Gizonezkoen batez besteko errenta 33.722 eurokoa da eta emakumezkoena 23.041 eurokoa. Errenta pertsonalaren %57,8 lanetik dator, %28,9 transferentziatik eta %9,1 kapitaletik. Errenta pertsonalaren mediana 23.120 eurokoa da.
Batez besteko familia-errenta 56.417 eurokoa da, %6,6ko igoerarekin. Eskualdeka, Plentzia-Mungia da altuena (68.707 euro) eta Arabako Errioxa baxuena (40.167 euro). Familia-errentaren mediana 44.883 eurokoa da.
Hiriburuen artean, Donostiako batez besteko errenta pertsonala (33.867 euro) da altuena, eta Donostiako familia-errenta ere (67.194 euro) altuena da.
