Bilera horren ondorioz, Ermuko Udalak idatzizko informazio zehatza eskatu zuen, eta koordinazio instituzionaleko mahai bat sortzeko proposamena egin zuen. Eusko Jaurlaritzak jakinarazi duenez, zabortegiak etengabeko zaintza du eta urtean bi ikuskapen egiten zaizkio. Azken txostenean antzemandako gabeziak ez dute, oraingoz, premiazko jarduketarik eskatzen.
Instalazio pribatua denez, Verter Recycling enpresaren jabetzakoa, Administrazioak larrialdi justifikatua izanez gero bakarrik esku har dezake zuzenean. Alkateak kezka agertu zuen enpresaren erantzun faltagatik, eta horrek bere betebeharrak betetzea zailtzen zuela adierazi zuen. Zentzu horretan, herritarrek “ziurtasunak eta prebentzioa merezi dituztela” azpimarratu zuen, eta Udalak “zain egongo” zela ziurtatu zuen.
“"Erantzunak idatziz eta dokumentazioarekin batera nahi ditugu."
Testuinguru horretan, Udalak idatziz eskatu zuen ikuskapenei, premiazko irizpide teknikoei, kontingentzia-planei edo ez-betetzeen aurrean jarduteko bideei buruzko informazioa, baita ingurumen-zaintza planaren datuetarako sarbidea ere. Gámizek, gainera, aldizkako koordinazio-mahai bat sortzea proposatu zuen jarraipena ebaluatzeko.
Ermuko Udalak jarraipen aktiboari eutsiko diola berretsi zuen, osasun publikoa lehenetsiz. Alkateak adierazi zuenez, “instituzio-leialtasunarekin, bai; baina guardia jaitsi gabe”.
