Elorrioko Udala k 2027rako zerga ordenantzak onartu ditu udalbatzarrean, EH Bilduren eta EAJren aldeko botoekin eta Podemosek kontra eginda. Ordenantza hauek udal zerga eta tasen eguneratzea bermatzen dute, zerbitzu publikoen finantzaketa jasangarria ziurtatzeko.
Zerga eta tasa orokorraren eguneratzea %4koa izango da, irailaren %5eko KPIaren azpitik, bizitzaren garestitzearen gainetik ez igotzeko helburuarekin. Gainera, EAJren bi ekarpen jaso ditu proposamenak: etxebizitza hutsak alokairura bideratzeko programetan higiezinak uzteagatik %99ko hobaria IBIan, eta ibilgailu elektrikoak kargatzeko puntuak jartzeagatik %50eko hobaria ICIOan.
Halaber, udalak turismo-egonaldiengatik tasa berri bat ezarriko du, udalerriko turismo-jardueraren bilakaerara egokitua.
“"Zerga-ordenantzen eguneratzeak udal zerbitzu publikoen iraunkortasuna bermatzeko beharrizanari erantzuten dio, kostuen igoeraren testuinguruan. Udalak %4ko eguneratze orokorra aukeratu du, prezioen bilakaeraren azpitik, zergak eta tasak bizitzaren kostuaren gainetik ez igotzea saihestuz. Ikuspegi aurrerakoi batetik, kalitatezko zerbitzu publikoak mantentzeak ere nahikoa eta egonkorrak diren udal-sarrerak bermatzea eskatzen du. Udal-zergak funtsezko zerbitzu publikoak finantzatzeko aukera eman behar du, hala nola gizarte-zerbitzuak, kultura, kirola, garbiketa, espazio publikoen mantentzea edo etxebizitza-politikak."
Ordenantza berriak 2027ko urtarrilaren 1ean jarriko dira indarrean.
