Durangoko merkataritza sustatzeko helburuarekin, Dendak Bai elkarteak ekimen berri bat jarri du martxan. Kanpainak herriko saltokietan kontsumitzea saritu nahi du, erosle fidelak eskertuz eta tokiko ekonomia bultzatuz.
Poltsa horiek eskuratzeko, bezeroek ekainaren 8tik 30era bitartean egindako erosketen tiketak aurkeztu beharko dituzte. Guztira 30 euroko gastua metatu beharko da, eta ez da beharrezkoa izango erosketa guztiak denda berean egitea.
Banaketa Santa Maria basilikako atari handiaren eta txikiaren artean jarriko den karpan egingo da. Interesdunek jatorrizko tiketak eta NAN agiria eraman beharko dituzte. Banaketa egunak ekainaren 18, 25 eta 30a izango dira (10:30etik 13:30era eta 17:00etatik 20:00etara), eta ekainaren 19an eta 26an (10:30etik 13:30era).
