Astelehenean, astearen hasieran, zerua hodei eta ostarteekin agertuko da. Hala ere, beroa pilatu ohi den egunetan bezala, arratsalderako bero hodeiak sortu daitezke, metatutako hezetasuna ekaitz moduan botatzeko arriskuarekin. Haizea iparraldetik etorriko da, eta tenperaturak ez dute aldaketa handirik izango, 11 eta 23 gradu artean kokatuz.

Asteartean, barraskilo jaleen egun handian, zerua hodeitsu egongo da, baina goizean ez da euririk espero, egun ona igarotzeko aukerak bermatuz. Arratsaldean, berriz, bero hodeiak pilatuko dira berriro, noizbehinka zaparrada trumoitsuak izateko aukerarekin. Haizea iparraldetik etorriko da oraingoan ere, eta Armentian bezperako tenperatura tarte bera izango dute, 11 eta 23 gradu artean.