Alegiarrak 22-19 irabazi zion tolosarrari, eta horrela, ligaxkako lehen puntua eskuratu zuen. Peña II.ak, berriz, orain arte jokatutako bi partidak galdu ditu. Artolak 16 tanto egin zituen eta 6 galdu, eta Peña II.ak 13 tanto egin eta 6 galdu zituen.

B multzoko beste norgehiagokan, Zabalak 22-17ko emaitzarekin irabazi zion Larrazabali. Emaitza horien ondoren, Zabalak bi puntu ditu, Larrazabalek eta Artolak puntu bana, eta Peña II.ak punturik gabe jarraitzen du. Hirugarren eta azken jardunaldian, Artolak Zabalaren aurka jokatuko du, eta Peña II.ak Larrazabalen aurka. Partida horiek maiatzaren 9an eta 10ean jokatuko dira, Labriten eta Beotibarren, baina enpresek oraindik ez dute zehaztu bakoitza non izango den.

Asteburu honetan A multzokoek azken jardunaldia jokatuko dute. Jokin Altunak eta Erik Jakak elkarren aurka jokatuko dute Legazpin igandean. Bestalde, Dariok eta Lasok Donostiako Atano III.ean jokatuko dute larunbatean. Multzo horretan Dariok bi garaipen ditu, Altuna III.ak eta Lasok bana, eta Jakak ez du garaipenik lortu.