Ander Otegi Ariztimuño, BBK-Euskadi taldeko txirrindulari zegamarrak, sasoiko dagoela berretsi du Aizarnazabalen jokatutako Euskadiko Bakarkako Erlojupeko Txapelketa irabaziz. Igandean Irunen errepide proba bat irabazi ostean, Otegik 25:55:78 denbora behar izan zuen 21 kilometroko ibilbidea osatzeko.
Otegiren taldekide Kepa Ormazabal Galdos gabiriarrak seigarren postuan amaitu zuen, liderrarengandik minutu eta lau segundora. Gainera, beste goierritar batek ere lortu zuen podiuma: junior nesketan, Naxara Odriozola beasaindarra hirugarren sailkatu zen, irabazle Ane Zubeldia rengandik minutu eta berrogei segundora.
Euskadiko Federazioak antolatu du berriro ere bakarkako erlojupeko txapelketa, urte luzeen ondoren. Lehiaketa Gervaisen Oroimenezko Klasikoa izenpean jokatu da Aizarnazabalen.
