Sei hilabetetik gorako edozein pertsona joan daiteke zuzenean txertoa hartzera, aldez aurretik hitzordurik eskatu beharrik gabe. Ekimen hau Eusko Jaurlaritzako Osasun Sailak eta Osakidetzak sustatutako sare baten parte da, eta helburua txertoak hartzeko aukera erraztea eta arnas gaixotasunen prebentzioa indartzea da.
Modalitate honek haurren txertaketa ere erraztuko du, familiek sei hilabetetik gorako seme-alabekin zuzenean joateko aukera izango baitute. Horrela, zerbitzuak osasun-zentroetan irailaren 28an hasi zen haurren gripearen aurkako txertaketa-kanpaina osatuko du.
Gripearen aurkako txertoaz gain, txertoguneak COVID-19aren aurkako txertoa ere eskainiko die 70 urte edo gehiagoko pertsonei, baita 65 urte edo gehiagokoei ere, hala eskatzen badute. Bi txertoak bisita berean hartu ahal izango dira.
