Aiako Udalak iragarri duenez, DBH-ko gaztetxoentzat zuzendutako bazkari autogestionatua antolatu dute larunbateko VIII. Gazte Eguna ren barruan. Bazkariak 2 euro ko kostua izango du, eta festa batzordeak freskagarriak, ura, mahaiak eta aulkiak prestatuko ditu.
Izena emateko epea gaur eta bihar, hilak 29 eta 30, zabalik egongo da, igerilekuko tabernan, arratsaldeko 17:30etik 19:30era. Bazkariaren kokaleku zehatza datozen egunetan jakinaraziko dute.
Egitarauak hainbat ekitaldi biltzen ditu egun osorako: goizean txosna irekiera (11:15) eta "Ume handientzako jolasak" plazan (11:30). Eguerdian, paella lehiaketa (14:30) izango da, ondoren herri bazkariarekin.
Arratsaldean, Elektrotxufla (18:30) izango da, eta gauean, kontzertuak: Herenegun, Leihotikan eta Bad Sound System taldeek joko dute (22:30). Gaua ixteko, Boletus Rumberus DJa arituko da.
