Aian, igandez, Testaje Zentroan, ganaduen 34. enkantea izango da. Bertan, limusina eta blonda arrazako ugalketarako abelburuak eta limusina arrazako haragitarako idiskoak salduko dituzte. Aurkezpena 11:45ean hasiko da, eta enkantea 12:00etan.
Guztira, 24 abelburu aterako dituzte enkante publikora, aurrez aurre gauzatuko dena. Salgai jarriko diren abelburu gehienak Gipuzkoako baserrietakoak izango dira, zortzi Bizkaikoak eta bi Arabakoak.
Blonda arrazako abelburuek 4.200 euroko irteera prezioa izango dute. Limusina arrazakoen kasuan, 3.800 eurokoa izango da RJ izendapena dutenentzat eta 3.000 eurokoa RP izendapendunentzat. Horrez gain, haragitarako limusina arrazako dozena bat idisko aterako dituzte, 3.000 euroko abiatze prezioarekin.
