Errenteriako Udala k luzatu egin du Pablo Sorozabal plaza behin-behinean gaueko aparkaleku gisa erabiltzeko aukera. Neurri honek Beraun auzoan egiten ari diren lanek sortzen dituzten eraginak murriztea eta aparkaleku-gabezia arintzea du helburu.
Jatorriz, I-DE Redes Eléctricas enpresak Norberto Almandoz eta Aita Donostia kaleetan elektrizitate-sarea berritzeko lanak hasi zituenean eman zen aukera hau, aparkaleku-plazak aldi baterako kendu behar izan zirelako. Orain, Jaizkibel kalea hobetzeko lanak hasi direnez, eta horiek ere aparkaleku-plazen behin-behineko kentzea ekarriko dutenez, aparkalekuaren erabilera luzatuko da lanak amaitu arte.
Salbuespen bakarra Beraun go jaietan izango da, irailaren 3tik 6ra bitartean. Egun horietan ezin izango da plazan aparkatu, bertan hainbat jarduera egingo baitira eta jaietako ekitaldi guneetako bat baita.
Jaiak amaitutakoan, gaueko aparkalekua berreskuratuko da, 19:00etatik 10:00 etara bitarteko ordutegian.
