Usurbilgo Alkartasuna Baserritarren Kooperatibak, urtean bitan antolatzen duen ekimenaren baitan, sagardoaren kulturan murgiltzeko aukera paregabea eskaini du apirilaren 26an. Aurrez izena eman zutenek ibilbide eder bat egin dute Aginaga eta Txokoalde inguruko paisaietan zehar.

Hitzordu honek osagai ezohikoak uztartzen ditu. Ibilaldiak, tipi-tapa zenbait kilometro egiteko aukera emateaz gain, giro berezia eskaintzen du. Jakoba Errekondo paisajistak Usurbilgo paisaiaren historiaz eta sagardoaren kulturaz argibideak ematen ditu, eta berarekin batera, punta-puntako bi bertsolari ezagunek parte hartzen dute, Maialen Lujanbio eta Andoni Egaña, Errekondoren azalpenekin lotutako bertsoak eskainiz.

Apirilaren 26ko ibilaldia goizeko 10:00etan hasi zen Aginagako Eliza Zaharraren ataritik. 650 Usurbil Bizi herri egitasmoaren atariaren bidez izena eman zutenek bertso-ibilaldi honetan parte hartu zuten. Mota honetako txangoak apirilean eta urrian antolatu ohi dira, udalerriko hainbat zonalde ezberdinetan, eta oraingoan Aginagan hasi eta Txokoalderantz jo zuten.