Arroxa euskaraz gara lelopean, dozenaka herritar bildu dira Donibane auzoko plazan. Ekimenaren bidez, euskara eguneroko bizitzan txertatzeko eta hizkuntzarekiko atxikimendua erakusteko deia egin dute parte-hartzaileek.
Ekitaldian San Juan-Koxtape arraun taldeko kideek parte hartu dute, hala nola arraunlariek, entrenatzaileek eta zuzendaritzako ordezkariek. Taldeak babes osoa eman dio euskararen aldeko apustu honi.
Antolatzaileek nabarmendu dutenez, helburua da euskara herritarren nortasunaren eta harrotasunaren ikur bihurtzea. Era berean, beste elkarte eta eragile batzuei gonbita luzatu diete, Koxtape taldearen bideari jarraituz, hizkuntzaren aldeko urratsak ematera animatzeko.
