Oiartzundik irtengo da lehen zerbitzua 07:00etan, eta azkena 21:00etan. Zerbitzu berri honek lanera joateko nahiz osasun zerbitzuetara iristeko aukera erosoagoa eta irisgarriagoa eskainiko du, ibilgailu pribatuaren edo hirugarrenen menpe egon beharrik gabe.
Linea berria astelehenetik igandera egongo da erabilgarri, baita jaiegunetan ere. Bidaiari gehien mugitzen diren orduetan, 60 minuturo igaroko da autobusa.
