Lezo k ostiral arratsaldean hartuko du Kilometro Lezo jaialdiaren zazpigarren edizioaren hasiera, Hortzmuga Teatroa ren eskutik. Haurrentzako 'Alonso, ezinezko mandatuen mezularia' izeneko muntaia izango da ikusgai, 19:30ean hasita.
Gurutze Santuaren plazan izango da ekitaldia, baina eguraldi txarra eginez gero, Lezo Herri Eskola ko jolastokira lekualdatuko da. Sarrera doakoa izango da.
Istorioak garrantzi handiko gutun bat du abiapuntu, baina ez du hartzaile argirik. Alonso, protagonista nagusia, plaza jendetsu batean agertzen da, bere nabigazio-sistema hondatuta duelarik. Ultra Express-eko mezulari neka eta nahasi gisa, edozein gauza edozeini denbora errekorrean entregatzeko gai den enpresa bakarreko kide gisa, erronka zail bati aurre egin beharko dio.
Alonsok mundu osotik zehar abiatuko du erlojupeko lasterketa bat: Afrikatik hasi eta Indiara, Mendebalde Urrunetik Parisera, gutun misteriotsuaren hartzailea aurkitzeko. Ane, ikusleak eta baita gutuna bera ere –hitza emateko gai da–, Alonsori lagunduko diote arazoa konpontzen, zentraleko droneak aparrez busti ez dezan. Lortuko ote du? Txikienek bakarrik jakingo dute istorio honen bukaera.
