Fundación Cristina Enea k eta Donostiako Udaleko Parke eta Lorategien Departamentuak irteera bat antolatu dute datorren urriaren 3an, larunbatean, Katxolako sagarrondoak ezagutzeko. Ekimen honen helburua da elikagaiak ekoizteko ereduak hiriko hainbat zonatara zabaltzea, inguruko komunitateak inplikatuz eta herritarrentzat bizi-esparru berdeagoak sortuz.
Hiri-baratzeak, komunitate-baratzeak eta balkoi-baratzeak gero eta ugariagoak diren honetan, hirietako kale eta parkeetan elikagaiak ematen dituzten zuhaitz-frutadunak aurki ditzakegu. Sagarrondoak dira horietako bat, eta horien garrantzia ezagutzeko leku aproposa da Aiete auzoan dagoen Katxola baserria.
Katxola ez da baserri arrunta; baserri-lagar bat da. Bertan, Lantxabe auzoko elkarteko kideekin batera, baserriaren historia eta funtzionamendua ezagutuko dira. Ondoren, auzolanean uzta bildu eta bertan ekoitzitako zukua elaboratu eta dastatzeko aukera izango da.
“"Sagarrondoak bisitatzeaz gain, uzta-garaia dela kontuan hartuta, sagardoaren elaborazio prozesuan murgilduko gara, sagarra birrintzeko material berezia eta muztioa lortzeko lagarra erabiliz."
Asteklima ren baitan kokatzen den jarduera hau Katxola baserrian bertan hasiko da (Paraíso kalea, 22), 10:30ean. Hiru ordu inguruko iraupena izango du eta familia osoari zuzenduta dago, 6 urtetik gorako haurrekin.
Izen-emateak hemen egin daitezke.
