Prozesu parte-hartzaile hau bi urtean behin antolatzen da, eta helburua da herritarren beharrak, proposamenak eta kezkak zuzenean jasotzea. Aldi berean, udal gobernuak auzo bakoitzean aurreikusitako proiektuen inguruko informazioa helarazteko eta lehentasunak kontrastatzeko aukera izango du.

Herritarren ekarpenak jasotzeaz gain, batzarrek azken bi urteetan egindako jardueren berri emateko eta aurreko bileretan hartutako konpromisoen betetze maila azaltzeko balioko dute. Horrela, Udala k parte-hartze prozesuaren jarraipena indartu nahi du, eta egindako proposamenen jarraipena bermatzea.

Batzarren egutegia datorren astean hasiko da. Lehen hitzordua apirilaren 14an, asteartea, izango da, 18:00etan, Gaztañoko auzo elkartean. Bi egun geroago, apirilaren 16an, osteguna, Alaberga auzoko batzarra egingo da, Arditurri auzo elkartearen egoitzan, hau ere 18:00etan.

Saio guztietan Aizpea Otaegi alkateak eta udal gobernuko bi zinegotzik parte hartuko dute, herritarrek planteatutako gaiak zuzenean jorratzeko eta udal jarduerei buruzko azalpenak emateko. Formatu honek harreman hurbilagoa eta zuzenagoa erraztu nahi du, baita kudeaketa publikoaren gardentasuna hobetu ere.

Udalak azpimarratu du herritarren inplikazioa funtsezkoa dela ekimen horietan, auzoetako jarduera-lehentasunak zehazten eta tokiko errealitatera egokitutako politika publikoak eraikitzen laguntzen baitute. Gainera, topaketa hauek behar espezifikoak detektatzeko, arazo partekatuak identifikatzeko eta administrazioaren eta herritarren artean adostutako irtenbideetan aurrera egiteko aukera ematen dutela nabarmendu du.