Hernani k Kultur Aniztasunaren Nazioarteko Eguna ospatuko du aurten modu berritzailean. Urumea Ikastola, Alberdania argitaletxea eta Hernaniko Udala elkarlanean aritu dira 'Sorbeltzak' proiektua gauzatzeko. Horri esker, datorren 2026/2027 ikasturtearen hasieran argitaratuko den ipuin batek kulturartekotasuna eta natura uztartuko ditu, eta material didaktiko berria eskainiko du ikasgeletarako.

Proiektuaren jatorria Urumea Ikastola n dago, non 'Xor eta Beltz: mundu bat denontzat' ipuina sortu eta LHko bigarren mailako ikasleekin landu duten. Ipuinak migrazioen eta ingurumenaren gaia lotzen du, txenadoren (sorbeltzak) urteroko migrazio-bidaia adibide hartuta. 'Txenadoren bidaia eta bizirauteko beharraren adibideak migrazio-errealitatearen eta kultur aniztasunaren ulermena natural eta hurbilean lantzeko balio izan dio ikasleriari', adierazi dute.

Hezkuntza-zentroan Maialen Díaz de Cerio eta Ane Aierbe, Urumea Ikastola ko irakasleek dinamizatuta, Iñaki Sanz Azkue biologoak osatu du edukia. Alberdania argitaletxearen eta Parean elkartearen aholkularitza izan dute.

Hernaniko Udala ren Kulturartekotasun sailak balioa eman dio Urumea Ikastola n egindako lanari. Itsaso Lekuona Kulturartekotasuneko zinegotziak 'ezinbestekotzat eta estrategikotzat' jo du 'halako gaiak ikastetxe guztietan lantzea', bizikidetza eta kultur aniztasunaren garrantzia sustatzeko.

Proiektu hau Hernani tik haratago ere zabalduko da, Alberdania argitaletxeak datorren irailaren hasieran argitaratuko baitu, eta horrela materiala Euskal Herri osora hedatzeko aukera emango du. Material didaktikoa liburuan egongo da eskuragarri QR bidez, eta Hernaniko Udalaren eskutik, datorren ikasturtean Hernaniko ikastetxe guztietako LHko bigarren mailako ikasleek jasoko dute materiala beren geletan lantzeko.