Goizeko 11:30ean hasi da San Fermin elizaren inguruan Pasaiako erraldoien eta buruhandien kalejira. Eguraldi ona lagun, herritar ugari bildu da desfileaz gozatzeko, aurten Puente la Reina, Ororbia, Olite eta Lazkaoko konpartsek ere parte hartu dutelarik.
Ekimen hau azken urteetan finkatu den ohitura da, Pasaiako konpartsak beste herrietako taldeak gonbidatzen baititu jaietako egun honi ukitu berezia emateko. Antolatzaileen arabera, helburua urtero herri desberdinetako erraldoiak ekartzea da, elkarrekiko gonbidapenen bidez.
Jai giroa ez da erraldoietara mugatu; izan ere, Galepertarrak elkarteak antolatutako Marmitako txapelketan hamabi bikotek parte hartu dute, 200 bat laguni bazkaria eskainiz. Arratsaldean, musika eta erromeria izan dira protagonista Topagunea karpan eta Azokako plazan.
