Lezoko Udala rekin elkarlanean antolatutako ekimen honen bidez, herritar, talde zein erakundeei LGTBI+ gaiei buruzko informazioa eman, edozein zalantza argitu eta laguntza eskaintzeko aukera ekarriko dute Lezora.
Berdindu Eusko Jaurlaritzaren zerbitzu publikoa da, genero-identitateari, sexu-orientazioari, LGTBI+ legediari eta sexu-aniztasunaren heziketari buruzko zalantzak argitzeko eta informazioa eskaintzeko sortua. Berdindu Ibiltariaren helburua da LGTBI+ pertsonentzako espazio seguru eta profesionala irisgarriago egitea.
Lezon, aurrez aurreko arreta eskainiko dute azaroaren 18an, 16:00etatik 19:00etara, Kale Nagusia 32 helbidean. Zerbitzua euskaraz zein gaztelaniaz eskainiko da.
Hitzordua eskatzeko edo informazio gehiago jasotzeko, honako bide hauek erabil daitezke: telefonoak 900 840 128 / 688 769 865 edo posta elektronikoa berdindu.gipuzkoa@euskadi.eus.
