Astigarraga n jokatu zen finalean, Barrenetxeak eta Arrutik Uxue Ansorregi eta Maika Ariztegi garaitu zituzten, 39 segundoko aldearekin (13:20-13:59).

Aizkolari gazteenentzako txapelketan, Mitxelenak eta Izeta V-k irabazi zuten 17 minutu eta 34 segundoko denborarekin. Hauek izan ziren sailkapenean: Igoin Pikabea eta Mikel Santesteban (17:57), Unai Etxeberria -Osinalde- eta Unai Romairone (18:14), eta Jon Zaldua eta Joanes Izagirre -Ipiña- (18:35).

Zalduak eta Ipiñak lortu zuten denborarik onena zutikako ebaketa proban (1:24), irabazleen (1:49) aurretik. Baina hortik aurrera, Mitxelena eta Izeta V izan ziren azkarrenak geratzen ziren bi probetan: kolpeka eta lan luzean. Azken modalitate honetan, Mitxelenak eta Izeta V-k hamabost minutu eta bi segundo baino ez zituzten behar izan, Zalduak eta Ipiñak, berriz, 16 minutu eta 24 segundo behar izan zituzten, azken postura jaitsiz.