Zozketa publikoa uztailaren 29an egingo da, goizeko 10:00etan, Landetxeko aretoan. Interesdunek SMS bidez jasotako kode pertsonalaren bidez egiaztatu ahal izan dute zerrendan duten egoera.
Esleipendun suertatzen denak baldintza guztiak bete beharko ditu: Oiartzunen erroldatuta egotea, etxebizitza premia izatea eta diru-sarreren muga ez gainditzea. Udalak 20 eguneko epea emango du beharrezko dokumentazioa aurkezteko, 10 eguneko luzapena eskatzeko aukerarekin.
Zozketatuko den etxebizitza Elizalde auzoan dago. Bigarren eskuko etxebizitza da, logela bakarrekoa, eta ez du ez garajerik ez trastelekurik. Etxebizitzaren behin-behineko prezioa 133.750 eurokoa da, BEZik gabe.
