Hiru aste baino gutxiago falta dira Bergara ko Pentekoste jaiak hasteko, eta aurten berrikuntza garrantzitsu bat izango da Bitorianatxo ren jaitsieran. Jaigune nagusia Oxirondo ko aparkalekuan kokatuko da, eta bertan egingo zaio ongietorria pertsonaia ikonikoari. Santa Marina ko kanpandorretik jaitsiko da Oxirondo azoka aurreko eszenatokiraino, maiatzaren 22an.
Lekualdatze honek aukera paregabea ekarriko du: 90 herritarrek tirolina bidez jaisteko aukera izango dute kanpandorretik. Udalak adierazi duenez, esperientzia honek "Bitorianatxo ren jaitsiera lehen pertsonan sentitzeko aukera" eskainiko du. Jarduera hau maiatzaren 26an izango da. Goizez, 11:00etatik 14:00etara, 10 eta 16 urte bitartekoek parte hartu ahal izango dute, eta arratsaldez, 17:00etatik 20:00etara, 16 urtetik gorakoek. Interesdunek maiatzaren 17a baino lehen eman behar dute izena. Zozketa bat egin beharko balitz, maiatzaren 18an izango litzateke, 12:00etan, udaletxeko osoko bilkuren aretoan.
“"Bitorianatxoren jaitsiera lehen pertsonan sentitzeko aukera eskainiko da."
Tirolinaren antolatzaileek gogorarazi dute jarduera guztiek "berezko arrisku bat" dutela, eta parte-hartzaileek edozein egoera fisiko edo psikiko bereziren berri eman behar diotela enpresari aldez aurretik. Haurdun dauden pertsonek ere beren egoeraren berri eman beharko dute. Adingabeek gurasoen edo tutorearen baimena beharko dute.
Bestalde, Pentekoste etako herri bazkaria maiatzaren 25ean egingo da Espoloian, eta txartelak maiatzaren 4an jarriko dira salgai, 18:00etan, 18 eurotan. Menu orokorra, beganoa eta zeliakoa aukeratu ahal izango dira. Txartelak erosteko epea maiatzaren 18an amaituko da, edo agortu arte. Alergiak dituztenek kultura zerbitzuarekin harremanetan jarri beharko dute.
Jaietako egitarauan, Mokoloblok jarduera ere izango da maiatzaren 24an, 17:30ean, Munibe Plazatik hasita, 14 urtetik gorakoentzat. Plaza mugatuak dira (25 lagun), eta izena maiatzaren 17rako eman behar da. Era berean, maiatzaren 23an eta 24an, Holter familiaren madarikazioa ihes jokoa antolatuko da Seminarixoan, 9 eta 14 urte bitartekoentzat, 16:30ean hasita. Saioak 30 minutukoak izango dira, gehienez 10 laguneko taldeetan, eta izen-ematea maiatzaren 17ra arte egongo da zabalik.
Azkenik, Bakailao lehiaketa tradizionala Espoloian egingo da maiatzaren 23an. Gehienez 12 bikotek parte hartu ahal izango dute, eta izena emateko epea maiatzaren 14an amaituko da. Parte-hartzaileek lurrezko kazuelak eta dieta maiatzaren 18tik 20ra jaso beharko dituzte Udaleko Kultura Zerbitzuan. Lehiaketaren egunean, 11:00etan agertu beharko dira, eta bakailaoa 12:45ean entregatu. Sari-banaketa 13:30ean izango da, Espoloian.
