Oñatiko Udalak aurten ere bat egin du Udalerri Euskaldunen Mankomunitatearen (UEMA) 'Bertatik Bertara' kanpainarekin. Kanpaina honen helburua da euskarak turismoan bere lekua izatea eta bere garrantzia nabarmentzea, bisitariak zein zerbitzu sektoreko langileak euskara erabiltzera gonbidatuz.
Udalak mahai-gainekoak eta hiztegiak banatu ditu herriko taberna, jatetxe eta ostatuetan. Gainera, kanpainaren berri emateko UEMA k prestatutako spot-a ere txertatu da mahai-gainekoetan, QR kode baten bitartez.
Kanpainak azpimarratzen du udalerri euskaldunen nortasuna hobekien islatzen duena euskara dela, bertako produktuen, paisaiaren eta eskaintza zabalaren artean.
Mahai-gainekoetan eta hiztegietan, oinarrizko hitzak eta agurrak zerrendatzen dira euskaraz, gazteleraz, katalanez, galizieraz, frantsesez eta ingelesez.
Udaleko Euskara eta Turismo departamentuek elkarlanean antolatutako kanpaina hau irailaren mesedetan luzatuko da, bisitariak eta zerbitzu sektoreko langileak euskara gehiago erabiltzera animatzeko.
