Mondragon Unibertsitateko Giza Zientzien eta Hezkuntza Zientzien Fakultateak 490 ikasle berri hartuko ditu graduko ikasketetan aurten. Ikasle berri horietatik, 433 Haur Hezkuntza, Lehen Hezkuntza eta Pedagogia graduei dagozkie.
Zehazki, Lehen Hezkuntza graduan 343 ikasle berri izango dira, Haur Hezkuntzan 90, eta Pedagogian 8.
Bestalde, Ikus-entzunezko Komunikazioa eta Sorkuntza eta Sektore Kulturalen Industriak graduek 39 ikasle berri izango dituzte. Giza Zientzia Digitalak - HDG graduan, berriz, 10 ikasle berri hasiko dira.
Campusari dagokionez, Hezkuntza graduko ikasleek Eskoriatzako eta Bilboko campusetan izango dituzte eskolak. Ikus-entzunezko Komunikazioa eta Sorkuntza eta Sektore Kulturalen Industriak graduek, berriz, Aretxabaletako campusean emango dira. Azkenik, Giza Zientzia Digitalak gradua Bilboko AS Fabrik-en kokatuko da.
Giza Zientzia Digitalak graduko ikasleek irailaren 10ean hasi zituzten eskolak. Lehen Hezkuntza, Haur Hezkuntza eta Ikus-entzunezko Komunikazioa graduetako ikasleek, berriz, irailaren 7an ekin zioten ikasturteari.
