Ekimen hau, “Lehen sorospenak 0-6 urteko haurrekin” izenburupean, arratsaldeko 17:30ean hasiko da Magala espazioan bertan, Uribarri gunean. Saioa Arizmendi Ikastolako familiei ez ezik, herritar guztiei irekita dago, Magalaren helburua komunitate osora zabaltzea baita.
Saioa gidatzeko ardura Dorleta Sologaistoa Agiriano erizain eta Arizmendi Ikastolako PRO egitasmoko irakasleak izango du. Bere esperientzia zabalari esker, saio praktikoa eta ulergarria eskainiko du, familiek egunerokotasunean izan ditzaketen zalantza zehatzak argitzeko asmoz.
Parte hartzeko, izen-ematea beharrezkoa da, eta horretarako formulario bat dago eskuragarri. Ekintza honek gurasoei tresna baliagarriak eskaintzea du helburu, haur txikien osasunari lotutako larrialdi egoerei aurre egiteko.
