Mondragon Unibertsitateko Kontseilu Errektoreak, Lander Beloki, gaur, irailaren 24an, egindako bilera ezohikoan, unibertsitateko errektore berri izendatzea erabaki du. Izendapen hau 2027ko urtarrilaren 1ean jarriko da indarrean.
Une honetan errektore den Vicente Atxa k 2026ko abenduaren 31n amaituko du bere agintaldia, hamabi urteko ibilbidearen ondoren, hirugarren agintaldia betez.
Atxaren gidaritzak nabarmen lagundu du unibertsitatearen gizarte-inpaktua indartzen, baita unibertsitatearen hazkundean eta nazioartekotzean ere. Era berean, bere kalitate pertsonala eta konfiantza-harremanak sortzeko gaitasuna nabarmendu dira, unibertsitatean eta bertako kideengan arrasto sakona utziz.
Kontseilu Errektoreak eskerrak eta aitorpena adierazi dizkio Vicente Atxari bere konpromisoagatik eta lan bikainagatik, Mondragon Unibertsitatea etorkizuneko erronkei aurre egiteko posizio sendoan utziz.
Azkenik, Lander Belokiren aldeko konfiantza osoa adierazi du unibertsitatearen etapa berri honetan lideratzeko ardura har dezan, bere ibilbideak eta esperientziak unibertsitatearen erronkei eta aukerei aurre egiteko berme sendoa osatzen dutela aitortuz.
