ELA sindikatuak pozik agertu da 2025-2028 rako lan-hitzarmena sinatu ondoren, "soldata-igoerak, lanaldi-murrizketak eta lan-erreformaren aurkako blindajeak" sendotzen dituelako. Sindikatuaren arabera, itun hau "mugarri bat" da.
Automobilgintzarako piezak garbitzen eta kalitate-kontrolatzen dituen Landazabal enpresan, 60 langilek dihardute. Hitzarmen berriak KPIari lotutako soldata igoerak jasotzen ditu, urtero %1 igota, eta lanaldia urtero 8 orduan murriztea. Horrez gain, bulegoetako langileen atsedenaldia lan denbora ordaindutzat aitortuko da.
Beste "hobekuntza esanguratsu" batzuk ere jaso dira, hala nola, baja osagarrien kasuan hobekuntzak, gaueko lanaren plusa %30era igotzea eta lanaldiko atseden denborak handitzea.
ELAk gogorarazi du duela bi urte, sindikatuak bultzatutako gatazka baten bidez, Gipuzkoako metalaren hitzarmen probintziala aplikatzea lortu zela enpresa honetan.
