Pentekosteetako ohiturari jarraituz, Bakailao Lehiaketa egin dute gaur goizean Bergaran. San Martin plazako lanak direla eta, sukaldeak Espoloian jarri dituzte aurten, eta giro bikaina nagusitu da parte hartzaileen eta ikusleen artean.

Kaskaras elkarteko Julen Leturia eta Erlantz Olabarria izan dira txapeldunak, 81 punturekin. Bigarren postuan San Blas Madura elkartea geratu da, 76 punturekin; eta hirugarren postuan Alberto eta Andoni, 68 punturekin.

Asun Iglesias, Aitor Etxeberria eta Celsa Fernandez epaileek osatu dute puntuazioa erabaki duen mahaia.