Lau abesbatzek parte hartu zuten zapatuan Burgosen egin zen lehiaketan. Oñatiarrek, laugarren postuan kantatu arren, zuzendariarentzat eta epaimahaikoentzat ondo aritu zirela adierazi du Aitor Biainek. Sari banaketa ekitaldian 3.000 euro eta oroigarria jaso zituen Ganbara abesbatzak.
Granadan datorren urteko martxoan jokatuko den Gran Premio Nacional de Canto Coral lehiaketan aritzeko txartela ere eskuratu dute. Hitzordu honek ikasturterako plangintza moldatu beharra ekarriko duela esan du Biainek, baina gogotsu daudela azpimarratu du.
Aipagarria da Ganbara Abesbatzak orain 10 urte ere, 2016an, Burgosko Antonio José abesbatzen lehiaketa hau irabazi zuela. Aurtengo saioan, Kantabriako Coro Joven de Santander taldea sailkatu zen bigarren postuan eta Asturiasko Ensamble vocal de Gijón, hirugarren. Kantabriarrek gainera entzulearen saria ere eraman zuten.
