Robohelix, Australia n sortua eta gaur egun Alemania n egoitza duen enpresa da. Arkimedesen torlojuetarako helizeak modu automatizatuan fabrikatzeko teknologia patentatu baten garatzailea da. Haren zortzi ardatzeko CNC makina robotikoek ekoizpen-prozesua azkartzen dute eta kostuak, akatsak eta eskuzko lanaren beharra murrizten dituzte.

Fagor Arrasate ko negozio-garapeneko zuzendaria den Juan Etxebarria k azaldu du eragiketa hori 2028ko Plan Estrategikoaren barruan kokatzen dela. "Aukera emango digu sektore berrietan presentzia handitzeko. Besteak beste, nekazaritza, elikadura, meatzaritza, kimika, petrolioa eta gasa, uraren tratamendua edo eraikuntza bezalako esparruetan jarduteko aukera zabalduko digu, hau da, gure sektore tradizionalen –automobilgintza, etxetresna elektrikoak edo siderurgia– ziklo ekonomikoekin korrelaziorik ez duten industrietan", adierazi du.

Bi enpresen arteko lankidetzaren helburua Arkimedesen torlojuen fabrikazio osoa automatizatzea da, txapa ebakitzetik azken produktua lortu arte. Horrez gain, Fagor Arrasate k bere nazioarteko salmenta eta zerbitzu sarea jarriko du Robohelix en eskura, haren merkatu-irismena handitzeko.

Konpainiaren aurreikuspenen arabera, negozio-ildo berri honek 60 lanpostu kualifikatu sortzea eta 30 milioi euroko fakturazioa lortzea ahalbidetu dezake datozen urteetan.