Inkernu tabernaren ingurua jendez bete zen atzo arratsaldean, Errekan Gora jaialdiaren aurkezpen gisa Ginka Biloba arrasatear taldearen emanaldian. Bertaratutakoek hainbat kantu eta bertsioz gozatu ahal izan zuten, besteak beste, Traidore abestia entzun zelarik.
Antolatzaileek iazko balorazio positiboak ikusita, formatuari eustea erabaki dute. Hala, Eskoriatza asteburu osoan zehar musikaz beteko da, hainbat estilotako talde eta artistak herrian izango direlarik. Bi agertoki nagusi izango dira: Inkernu tabernaren aurrealdeko gunea eta herriko plaza nagusia. Kontzertuak bi espazio horien artean banatuko dira, eta antolatzaileek nabarmendu dutenez, egitaraua "gustu eta belarri guztientzat" prestatuta dago.
Urtero legez, inguruko taldeei ere lekua egin nahi izan diete. Hala, Orei talde aretxabaletarra ostiralean arituko da Inkernu inguruan, eta Maniaks talde arrasatearra larunbatean.
Aurtengo edizioak osagai historiko berezi bat ere izango du: 90 urte beteko dira Eskoriatza faxisten eskuetan erori zenetik. Urteurren honen harira, antolatzaileek azpimarratu dute Joseba Tapiaren igandeko ikuskizuna berezia izango dela.
Egitarau ofiziala honakoa da:
Irailak 18, ostirala: Orei (19:30, Inkernu kanpoan) eta Arene 6 (22:30, Herriko plazan).
Irailak 19, larunbata: Arnau and the Honky Tonks Losers (13:00, Herriko plazan), Maniaks (21:00, Inkernu kanpoan) eta Les Testarudes (22:30, Herriko plazan).
Irailak 20, igandea: Joseba Tapia (13:00, Herriko plazan) eta Petti (19:00, Herriko plazan).
Irailak 18, ostirala: Orei (19:30, Inkernu kanpoan) eta Arene 6 (22:30, Herriko plazan).
Irailak 19, larunbata: Arnau and the Honky Tonks Losers (13:00, Herriko plazan), Maniaks (21:00, Inkernu kanpoan) eta Les Testarudes (22:30, Herriko plazan).
Irailak 20, igandea: Joseba Tapia (13:00, Herriko plazan) eta Petti (19:00, Herriko plazan).
