Asteazkeneko eta osteguneko gauetan zuzeneko musikaz gozatu nahi dutenek bi aukera izango dituzte Bergaran. Lehenengoa, ostegunean, Usondoko parkean izango da, eguraldiak lagunduta; bestela, Seminarixoa izango da lekua. Bertan, Moonshine Wagon talde gasteiztarra ariko da, 22:00etan hasita. Ostiralean, berriz, Espaloian izango da bigarren emanaldia, Berumuga programaren barruan, eta Jackie Venson musikari texastarra izango da protagonista.
Moonshine Wagon heavy-bluegrass taldea 2013an sortu zen, kaleko jotzeetatik abiatuta. Ordutik, Europa eta Amerikako hainbat areto eta jaialditan aritu dira autogestionatuta, beraien 'la Wagon' autokarabana erabiliz. Taldea harizko instrumentuek osatzen dute, hala nola biolina, mandolina, banjoa, gitarra eta kontrabaxua. Beraien zuzenekoetan «energia nekaezina eta kutsakorra, umorezko emanaldiak eta sare sozialetan argitaratzen dituzten mundu osoko bidaia-dokumentalak» nabarmentzen dira.
Gaur egun, Moonshine Wagon taldea Goiatz Dutto (biolina, mandolina eta ahotsa), Lander Lourido (gitarra eta ahotsa) eta Víctor Martín (kontrabaxua) musikariak osatzen dute. Hiru disko argitaratu dituzte: 'Folk You', 'Porca Miseria' eta berriena, 'Straight From The Mud'. Beraien musika akustiko alaia eta festa girokoa da.
Ostiraleko kontzertua, 22:00etan Espaloian, Berumuga programaren laugarren eta bigarren emanaldia izango da. Bertan, Austin-eko (Texas) Jackie Venson musikariak joko du. Bere aitak, Andrew Venson-ek, 40 urteko ibilbide profesionala izan zuen eszenatokietan, eta horrek eragina izan zuen musikariengan txikitatik. Berklee College of Music-en ikasi zuen, konposizioan eta musika ekoizpenean espezializatuz, eta gitarra jotzea erabaki zuen. Gaztetatik izar emergentetzat hartua izan da.
Jackie Venson Texasko artistarik indartsuenetako bat bezala sendotu da, eta hainbat ikonoekin partekatu du agertokia. Bost estudioko album kaleratu ditu: 'Joy', 'Love Transcends', 'Evolution of Joy', 'Ghost in the Machine' eta 'The Love Anthology'. Bere musika etengabe eboluzionatzen ari da, blues tejanotik, electro-funka eta rockera, baita soula ere, betiere soinu eta estilo anitzak esploratzeko konpromiso sutsuarekin. Kritiken arabera, «bere zuzenekoei esker ez du publikoa axolagabe uzten».
