Elgetan egindako informazio batzarrean, 70 bat pertsona bildu ziren EHNE sindikatuaren deialdiari erantzunez. Bertan, 2021etik jasotako jakinarazpenak eta 2025ean iritsitako mehatxuzko gutunak aztertu zituzten, non kontagailuak jartzeko exijitzen den, isunen mehatxupean.
Sindikatuko ordezkariek azpimarratu dutenez, baserritarrek beren baliabide propioekin eraiki eta mantendu dituzte ur-sistemak eta deposituak. Horregatik, orain ur horregatik ordaindu behar izatea diskriminatzailetzat jotzen dute, eta kontagailuak ez jartzeko elkarlana bultzatzen ari dira.
Egoera honi aurre egiteko, Gipuzkoa mailako koordinazio talde bat sortzeko prozesua abiatu dute. Helburua herri bakoitzeko ordezkaritza batzea da, txosten teknikoak egiteko, sinadurak biltzeko eta mobilizazioak antolatzeko.
