Debagoieneko herritarrek Eskola Publikoaren jaialdiaz gozatu ahal izateko, garraio jasangarri, eroso eta segurua bermatzeko neurriak hartu dira. Horretarako, autobus zerbitzu bereziak eskainiko dira Bergara eta Eskoriatza artean, apirilaren 18ko egun osoan zehar.
Bergaratik Eskoriatzara joateko autobusak 10:15ean, 11:15ean eta 12:15ean irtengo dira. Itzulerako zerbitzuei dagokienez, 18:25ean, 19:25ean eta 20:25ean izango dira irteerak. Gainera, egun horretan DG10 linearen (Bergara - Arrasate - Aretxabaleta – Eskoriatza) zerbitzuak indartuko dira, bidaiarien eskariaren arabera.
Ordutegi zehatzak eta informazio osagarria Lurraldebuseko webgunean kontsultatu daitezke, edo 900 30 03 40 telefono zenbakira deituz, erabiltzaileari arreta emateko.
