Prozesu honen helburua da herriko indarguneak eta hobetu beharreko alderdiak identifikatzea, baita etorkizuneko erronkak finkatzea ere. Horretarako, bi lan-saio ireki antolatu dira Kulturateko Loramendi gelan, arratsaldeko 18:30etik 20:00etara.
Lehenengo saioa datorren asteartean, apirilaren 21ean, izango da, eta bigarrena, berriz, maiatzaren 5ean, asteartea. Saio hauetan, udalak diagnostikoa partekatu eta euskararen egoera arloz arlo aztertu nahi du herritarrekin batera.
“"Hori dela eta, arrasatear guztiak gonbidatuta daude saio hauetan parte hartzera eta deialdia zabaltzera, guztion artean euskararen etorkizuna marrazteko."
Udaletik azpimarratu dute herritarren begirada eta ekarpenak jasotzea oso garrantzitsua dela plana osatzeko orduan. Parte-hartze saio hauek funtsezkoak dira herritarren ikuspegiak eta proposamenak biltzeko, euskararen erabilera eta presentzia indartzeko helburuarekin.
