Soraluze ko emakumeek ostegunean, ekainaren 27an, 18:00etatik 20:00etara bitartean, topaketa informal batean parte hartzeko aukera izango dute. Ekitaldia Kalebarren kaleko 8. zenbakiko udal lokalean izango da, eta Soraluzeko Empoderamendu Eskolak antolatu du.
Topaketa honen helburua da herriko emakumeei elkartzeko eta elkarrekin ondo pasatzeko gune bat eskaintzea, musika entzuten eta mokadu batzuk dastatzen diren bitartean. Dinamikak egingo dira parte-hartzaileek elkar ezagutu eta elkarrekin disfruta dezaten.
Ekitaldian, Empoderamendu Eskolaren eskutik prestatutako udaberri-udako programazioa baloratuko da, eta baita hurrengo programazioa prestatzeko proposamenak, interesak eta ideiak jasoko ere.
Bertaratu nahi duten emakumeek udal webgunean dagoen esteka baten bidez eman dezakete izena. Informazio gehiago nahi izanez gero edo izena emateko laguntza behar izanez gero, 943 753 043 telefono zenbakira deitu edo harrera@soraluze.eus helbidera mezu elektroniko bat bidali daiteke.
Udaleko Berdintasun Batzordeak eta Empoderamendu Eskolako motor taldeak herriko emakume guztiak animatu dituzte parte hartzera.
