Jende asko espero denez, eta herritarren segurtasuna bermatzeko asmoz, Udalak Errosario kalea ixtea erabaki du 22:00ak aldera, Kalegoen plazara sartzeko.
Itxiera honek esan nahi du ordu horretatik aurrera ezin izango dela Errosario kaletik Kalegoen plazara sartu. Hala ere, kalea irekita egongo da plazatik irteteko eta, beraz, ez da inolako arazorik egongo kontzertuaren ondoren plaza uzteko.
Kalegoen plazara iristeko sarbide alternatiboak erabiltzea gomendatzen da. Udalak aldez aurretik joateko gomendatu die herritarrei, eta bertan lanean egongo diren pertsonen jarraibideak uneoro betetzeko eskatu du.
