Maiatzaren 19an hasiko da egitaraua Mutrikuko historiaren adabakiak izeneko saioarekin. Ondorengo egunetan, maiatzaren 21ean, euskal basogintza eta ontzigintzaren inguruko azterketa egingo da, maiatzaren 26an baxurako itsasontzien bilakaera aztertuko da, eta zikloa maiatzaren 28an amaituko da ontzigintzaren inguruko hitzaldi batekin.
Ekimen hau Esparbela elkartearen lan ildoaren barruan kokatzen da. Taldearen helburu nagusia Mutrikuko historia eta etnografia ikertu, dokumentatu eta zabaltzea da, herriaren memoria historikoa gal ez dadin eta ezagutza komunitateari itzultzeko.
Elkartearen arabera, 1209an Alfontso VIII.ak Hiri Gutuna eman zionetik Mutrikuk 817 urteko ibilbidea du, baina historia hori askotan ezezaguna izan da herritarrentzat. Hutsune hori betetzeko asmoz sortu zen elkartea, herritarren ekimenez.
