Aurtengo Liburu Hilabetea k egitarau zabalagoa eskainiko du Mutriku n, apirilaren 16tik 30era bitartean. Ohiko hitzorduez gain, hiru idazleren bisitak, erakusketa bat eta musika emanaldi bat izango dira protagonista.
Ekitaldi nagusietako bat “Karteletrak” erakusketa izango da, Zabiel kultur etxea n ikusgai apirilaren 16tik 30era. Erakusketaren irekiera ekitaldia apirilaren 16an izango da, 18:00etan, Joseba Sarrionandia idazlearen eskutik, erakusketaren antolaketan eta koordinazioan paper garrantzitsua izan baitu.
Erakusketak Markos Gimeno (Ermua, 1974 – Eibar, 2018) sortzailearen palindromoak eta horiek ilustratzeko hainbat artistak egindako kartelak biltzen ditu. Gimeno k gaitasun berezia zuen bi noranzkoetan berdin irakurtzen diren hitz edo esaldiak sortzeko. Sarrionandia k berak “Markos Gimenoren 101 letrakartel” liburua argitaratu zuen, egilearen lana zabalduz.
Erakusketa apirilaren 30era arte egongo da irekita, astean zehar 11:00etatik 13:00etara eta 18:00etatik 20:00etara, eta asteburuetan 12:00etatik 14:00etara.
Erakusketarekin lotuta, apirilaren 24an, 19:00etan, Mursego k “Sukramarkus: Markos Gimenoren palindromoen berrirakurketa librea” kontzertua eskainiko du Zabiel kultur etxea n. Literaturaren, ikus-arteen eta musikaren arteko fusioa proposatzen duen emanaldi honetarako sarrerak 3 eurotan eskuratu ahal izango dira www.mutriku.eus webgunean edo Turismo bulegoa n, apirilaren 14tik aurrera.
Bestalde, apirilaren 18an, Merkatu Txikia rekin batera, Onintza Enbeita k “Bizitza baten txatalak” liburua aurkeztuko du 12:30ean Beheko plaza n. Lan honek Feli Madariaga ren bizitza kontatzen du, baserriari eta lurrari estuki lotutako emakume baten testigantza jasoz, desagertzear dagoen bizimodu baten lekukotasun gisa.
Apirilaren 23an, Liburuaren Nazioarteko Eguna n, haurrei zuzendutako “Habiko ipuinak” saio musikatua izango da liburutegian, Amaia Elizagoien kontalariaren eta Itziar Olague musikariaren eskutik.
Hilabeteko egitaraua borobiltzeko, apirilaren 28an, 18:00etatik aurrera, Katixa Agirre idazlea izango da liburutegian “Barne Zerbitzuak” bere azken nobela aurkezten. Lanak 1937-1943 urteetako garai latzetara eramaten du irakurlea, eta “Araba sarea” izeneko espioitza sarean aritutako emakume ausarten istorioa kontatzen du.
Aurkezpenaren ondoren, IX. Ziriako Andonegi Mikroipuin Lehiaketa ko sariak banatuko dira.
Gainera, apirilaren 1etik 29ra bitartean liburutegiko erabiltzaileen artean zozketa bat egingo da. Zozketa apirilaren 30ean, 17:30ean, izango da liburutegian bertan, eta sariak adin-tarteka banatuko dira: 0-6 urte bitartekoentzat liburu sorta bat, 7-12 urte bitartekoentzat beste liburu sorta bat, 13-25 urte bitartekoentzat tablet bat eta 26 urtetik gorakoentzat e-reader bat.
