Mutrikuk bere Erromeri Eguna ospatuko du datorren larunbatean, Gure Ametsa dantza taldeak eta Udalaren laguntzarekin antolatutako ekitaldi sorta batekin. Euskal dantza herritarrengana hurbiltzea du helburu nagusi.

Jardunaldia 12:00etan hasiko da Beheko Plazan, non adin ezberdinetako dantzariak elkartuko diren. Bertatik, txistulari eta akordeoi talde baten laguntzaz, herriko erdigunea girotuko duen dantza-kalejira abiatuko dute.

Eguerdian, dantza eta musika eten ondoren, parte-hartzaileak Egañaneko frontoira joango dira indarrak berreskuratzeko antolatu den herri bazkarira. Aurten, 90 bat lagunek eman dute izena ekitaldi honetan.

Arratsaldean, egitaraua borobiltzeko, Kittu taldearen emanaldia izango da 18:00etan Beheko Plazan. Ondoren, 20:00etatik aurrera, Larrain dantza eta musika saioak izango dira.