Elgoibarko Udala k jakinarazi duenez, Errezabal eko bide-lanak datorren astelehenean amaituko dira. Egun horretan bertan, pintura-lanak egingo dira, eta beharrezko azken erremateak emateko eta zirkulazioa ohiko egoerara itzultzeko, trafikoa semaforoen bidez antolatuko da.
Lan horiek astelehenean zehar burutuko direnez, egun horretan zirkulazioan eragin txikiren bat egon daiteke. Hala ere, asteartean Urazandi auzoko trafikoa normaltasunez berrezarriko dela aurreikusten da.
Bide-lan hauek Errezabal egoitza egonkortzeko proiektuarekin lotuta daude, Elgoibarko Udala k eta Gipuzkoako Foru Aldundi ak elkarlanean martxan duten egitasmoa. Azken hilabeteetan egindako azterketek lurraren portaera zehatzago ezagutzea ahalbidetu dute, eta horri esker, ingurunerako egokienak diren jarduketa zehatzak zehaztu dira: bi pantaila osagarri eraikitzea, bata etxebizitzetatik eta bidetik gertu dagoen eremua egonkortzeko, eta bestea mendi-hegalaren egonkortasun globala indartzeko.
Pilotatze-lanek ere aurrera jarraitzen dute, eta etengabeko monitorizazio-sistemen bidez lurraren portaeraren jarraipena egiten da.
Udalak eskerrak eman nahi dizkie herritarrei bidearen lanek iraun duten bitartean erakutsitako ulermenagatik eta pazientziagatik. Gainera, Urazandi ko bizilagunei prozesuaren bilakaeraren berri ematen jarraituko zaiela adierazi du, gardentasun eta gertutasun osoz.
