Elgoibarko Udala k tokiko merkataritza dinamizatzeko eta biziberritzeko konpromisoari jarraiki, Bizi-Bizixa bonu-kanpaina berri bat jarri du abian. Kanpaina honetan parte hartzeko epea zabalik dago merkatarientzat irailaren 7tik irailaren 18ra arte (biak barne). Ekimen hau Udalak tokiko garapen ekonomikoa bultzatzeko duen ildo estrategikoaren barruan kokatzen da.
Maialen Gurrutxaga Elgoibarko alkateak adierazi duenez, "merkataritza sustatzea gure helburuetako bat da, gure herria bizirik mantentzeko eragile garrantzitsu bat direlako. Merkatariekin elkarlanean sortutako ekimena da, eta honetaz gain, beste hainbat ekimen martxan ditugu helburu berdinari erantzuteko, negozio berriak sustatzeko, mantentzeko edo eskualdatzeko."
Kanpainan parte hartzeko eskaerak telematikoki aurkeztu beharko dira Elgoibarko Udalaren web atarian, www.elgoibar.eus, egoitza elektronikoaren bitartez. Laguntzak eskuratu ahal izango dituzte autonomoek, ondasun-erkidegoek, sozietate zibilek eta mikroenpresa txikiek, baldin eta beren establezimendua Elgoibar ren badago.
Udalak 30.000 euro inbertituko ditu kanpaina honetan eta 4.000 bonu komertzial jarriko ditu eskuragarri. Herritarrek %25eko deskontua izango dute egindako erosketetan, eta bonuak azaroaren 30era arte trukatu ahal izango dira parte hartzen duten dendetan.
Gastuek gutxienez 5 eurokoak izan beharko dute, eta gehienez 60 eurokoa erosketa bakoitzeko. Deskontuak erosketaren zenbatekoaren araberakoak izango dira, esaterako, 20 euroko erosketan 5 euroko dirulaguntza jasoko da. Bonuak saltokietan erosi beharko dira erosketa egiten den unean.
Bonuak modu ekitatiboan banatuko dira deialdi honetan parte hartzen duten establezimendu guztien artean. Oinarriak www.elgoibar.eus helbidean daude eskuragarri.
