Oposizioko taldearen arabera, ez da ia batzorde deialdirik egin jai eta txosna batzordeetan, eta horrek zaildu egin du kolektiboen, elkarteen eta norbanakoen inplikazioa. Koalizioak azpimarratu duenez, parte-hartze esparru horiek ezinbestekoak dira jai eremua inklusiboa, parekidea, errespetuzkoa, plurala eta euskalduna izan dadin.
“"Ez da apenas jai eta txosna-batzordeko batzorde deialdirik egin eta horrek kolektiboen, elkarteen eta norbanakoen inplikazioa zaildu du."
Gainera, EAJri leporatu diote txosnen arautze oinarriak ez jorratu izana eremu horretan parte hartzen dutenekin. Taldeak adierazi du ezin dela elkarteekin landu gabeko dokumentu baten aplikazioa sustatu, haien irizpideak, arauak eta eraginak aurretiaz ezagutu gabe.
Azkenik, EH Bilduk aldarrikatu du pregoilari eta txupinero izateko hautaketa prozesua hobetu behar dela. Prozesu hori modu librean bideratu beharko litzatekeela defendatu dute, balio, figura eta merezimendu ezberdinen arabera hautaketa egiteko.
