Amurrioko saskibaloi jokalaria, Nora Lopez, Melillan izan da asteburuan Espainiako 3x3 Saskibaloi Txapelketa jokatzen. Euskadiko Selekzioak 19 talderen artean zazpigarren postua lortu du txapelketan.
Larunbatean, taldeak Aragoiko eta Balear Uharteetako taldeei irabazi zien, eta horri esker final laurdenetarako sailkapena lortu zuten.
Igandean jokatutako kanporaketetan, ordea, ezin izan zieten aurre hartu Asturiasko eta Madrilgo selekzioei. Gainera, hirugarren partidako aurkariak ez zuen jokatu nahi izan, taldeko zenbait kidek bero kolpeak jasan ondoren.
Horren ondorioz, Lopezek eta bere hiru taldekideek zazpigarren postuan amaitu zuten txapelketa.
“"Urte luzez oroituko ditut egun hauek eta espero dut horrek jokatzeko gogoak biderkatzea."
Amurrioarrak balorazio oso positiboa egin du txapelketari buruz, eta pozik agertu da berak eta taldeak egindako lanarekin. Nabarmendu du jokatzea, jende berria ezagutzea eta asko ikastea izan direla esperientziaren alde onenak.
