Bihar, apirilak 17, Faktoria aretoak musika indartsua hartuko du Lukiek eta Adur taldeen eskutik. Bi bandek, beren estilo eklektikoekin, publikoa girotzeko asmoa dute. Sarrerak dagoeneko eskuragarri daude Faktoriaren webgunean, eta bazkideek prezio murriztua izango dute.

Adur taldea, Naroa Esturo eta Xabier Aguado bilbotarrek sortua, musika estiloen nahasketa muturreraino eramateagatik nabarmentzen da, soinu modernoa eta euskal folklorea uztartuz. Taldeak undergroundaren esentzia gordina harrapatzen du, melodia eta soinu indartsuen bidez.

Bestalde, Lukiek mungiarrak eskualdeko eszenatokietan beteranoak dira. Josu Ximun, Antton Goikoetxea eta Christian Rodriguez-ek osatutako hirukoteak hiru lan luze kaleratu ditu, azkena iaz. Taldearen musika estilo askotatik edaten du, baina grunge-a ardatz duen soinu indartsu eta bereizgarria du.

Kontzertua 20:00etan hasiko da ate irekierarekin, eta musika zaleek aukera paregabea izango dute bi talde hauen zuzeneko energia bizitzeko Aiaraldea Ekintzen Faktoria aretoan.