Aiarako Udalak jakinarazi duenez, suhiltzaileek lanean jarraitzen dute eremua guztiz kontrolpean izateko. Gaurko egunean, helikoptero bat arituko da inguruan ura botatzen, eta horregatik, Artziniegako igerilekuak itxita egongo dira beste egun batez. Herritarrek Aiarako udal igerilekuak erabiltzeko aukera izango dute bitartean.
Llantenoko Administrazio Batzarrak gogorarazi du debekatuta dagoela inguruko mendietara hurbiltzea. Erakundearen arabera, mendian jendea ibiltzeak zaildu egiten ditu langileen zereginak, nahiz eta sua lasaiago dagoela dirudien.
Sua behin erabat itzalita, Arabako Foru Aldundiak sutearen jatorria ikertuko du. Aurretiazko adierazpenen arabera, gizakiak eragindakoa izan zela uste da, baina oraindik zehazteke dago nahita edo nahi gabe sortu zen.
